.png)
Gazeta Si - Gjykata e Lartë në Dhomë Këshillimi, ka vendosur të mos pranojë rekursin e Laert Haxhiut, i arrestuar në Greqi dhe i dënuar me 18 vite burg në Shqipëri për disa vepra të rënda penale.
Haxhiu kërkonte ndryshonte ndryshimin e vendimit të Gjykatës së Apelit në Tiranë, që e dënoi me 18 vite burg në mungesë.
Avokati i tij, Detar Hysi paralajmëron se do të ndjekë rrugët ligjore në Gjykatë Kushtetuese, pasi dënimi nuk është i bazuar në ligj.
Haxhiu u dënua nga Gjykata e Apelit me 18 vjet burg, për veprat penale “Vrasja në rrethana cilësuese”, mbetur në tentativë dhe “Mbajtja pa leje dhe prodhimi i armëve, armëve shpërthyese dhe i municionit”.
I riu nga Lushnja u dënua për plagosjen e Sajmo Xhelilit dhe Xhulio Shkurtit në 25 shtator 2016s në lagjen “Çlirimi”, pas një sherri në lokal.
Gjatë kohës që ishte në arrati, 35-vjeçari dyshohet se tentoi të ekzekutonte për të dytën herë nipin e Aldo Bares, ish-kreu i bandës së Lushnjës.
Në atë ngjarjen e shtatorit 2017, u vranë Jurgen Hoxha dhe Zamir Latifi, ndërkohë që shpëtoi objektivi i atentatit, Xhulio Shkurti.
Për “Masakrën e Lushnjës”, Laert Haxhiu është në proces gjyqësor në Gjykatën e Posaçme Kundër Korrupsionit dhe Krimit të Organizuar.
Për këtë ngjarje, është dënuar me burg përjetë shoku i tij, Orges Bilbili. Ai u arrestua në prill 2020 në zonën e Xhamllikut në Tiranë
I shpallur në kërkim ndërkombëtar nga autoritetet shqiptare, Haxhiu u arrestua në Janinë pak muaj më parë.
Gjykata e Janinës refuzoi kërkesën e shtetit shqiptar për ekstradimin e 35-vjeçarit drejt vendit tonë.
Në seancën gjyqësore në shteti fqinj, avokati mbrojtës kërkoi mospranimin e ekstradimit të klientit të tij, pasi “në Shqipëri atij i rrezikohet jeta”
Megjithatë, pavarësisht refuzimit të ekstradimit, prokuroria themelore e Janinës pritet ta ankimojë vendimin në Gjykatën e Apelit, duke kërkuar ekstradimin e Laert Haxhiut në Shqipëri.
Arrestimi i tij u finalizua nga policia e vendit fqinj, teksa Laert Haxhiu po lëvizte me një automjet tip BMË së bashku me 35-vjeçarin Juxhin Bajrami dhe 22-vjeçarit Firdeus Berberi nga Pogradeci, i cili gjithashtu ishte në kërkim nga autoritetet shqiptare për plagosje.
Fillimisht ata nuk iu bindën urdhrit të policisë për t’u ndalur, por në tentativë për t’u larguar BMË-ja e tyre goditi 3 automjete dhe në fund u përplas me një bordurë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
