Nga Gazeta ‘Si’-Një ngjarje e rëndë ka ndodhur në Bruksel, ku është përfshirë një 16-vjeçar shqiptar. Mediat e huaja raportojnë se adoleshenti, identiteti i të cilit nuk bëhet me dije, është rrëmbyer në qendër të Brukselit, duke zbardhur e enjtja e 31 gushtit.
Mediat shkruajnë se 16-vjeçari është marrë zvarrë në një makinë nga katër burra pranë një kafeneje në Avenue Lemonnier.
Dy orë pasi u rrëmbye, adoleshenti u gjet pranë qendrës tregtare Westland në Unazën e Brukselit. Ai ishte i zhveshur dhe kishte djegie. Dyshohet se katër burrat që e kanë rrëmbyer e kanë dhunuar dhe më pas i kanë djegur disa bishta cigaresh në trup.
I riu është dërguar në spital dhe gjendja e tij është stabël. Po ashtu ai ka edhe hundën e thyer, që me shumë mundësi i është shkaktuar për shkak të dhunës.
Ende nuk dihen arsyet e kësaj ngjarje të rëndë, por sipas mediave të huaja katër burrat që e kanë rrëmbyer dyshohet të jenë pjesë e një bande shqiptare. Ndërsa për të miturin dyshohet se ka ngacmuar një prostitutë dhe kjo mund të jetë bërë shkak për ngjarjen e rëndë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
