Firmat e inteligjencës artificiale bien dakord për rregullat vullnetare

Shtëpia e Bardhë njoftoi të premten se disa nga kompanitë më të përparuara të Amerikës të AI kanë hyrë në një marrëveshje vullnetare për të menaxhuar rreziqet që lidhen me AI.

Amazon, Anthropic, Google, Inflection, Meta, Microsoft dhe OpenAI kanë rënë dakord me lëvizjen që administrata e Joe Biden thotë se do të sigurojë që produktet të jenë të sigurta përpara se t’i prezantojnë ato në publik dhe të fitojnë besimin e publikut në lidhje me zhvillimin e teknologjisë AI.

“Kompanitë që po zhvillojnë këto teknologji kanë përgjegjësinë për të siguruar që produktet e tyre janë të sigurta”, tha Shtëpia e Bardhë në një deklaratë.

“Për të shfrytëzuar sa më shumë potencialin e AI, Administrata Biden-Harris po e inkurajon këtë industri të mbajë standardet më të larta për të siguruar që inovacioni të mos vijë në kurriz të të drejtave dhe sigurisë së amerikanëve”.

Në marrëveshje shkruhet se kompanitë do të angazhohen për testimin e sigurisë së brendshme dhe të jashtme të sistemeve të tyre, dhe se ata do të ndajnë informacione në të gjithë industritë dhe qeveritë, si dhe akademinë për të ndihmuar në uljen e rreziqeve të AI. Për më tepër, ata thonë se do të angazhohen për të investuar në sigurinë kibernetike për të mbrojtur modelet e AI.

Administrata thotë se firmat e teknologjisë do të zhvillojnë gjithashtu mjete për përdoruesit që të dinë se kur përmbajtja gjenerohet nga sistemet e AI, të raportojnë kufizimet e sistemeve të tyre, t’i japin përparësi kërkimit mbi potencialin për paragjykim dhe diskriminim të sistemeve të AI dhe të punojnë për të zhvilluar sisteme AI që mund të ndihmojnë gjithçka, nga parandalimi i kancerit te ndryshimet klimatike.

Administrata Biden ka ndërmarrë tashmë një sërë hapash për të adresuar rritjen e shpejtë të teknologjive të AI, duke përfshirë mbajtjen e takimeve paraprake me drejtuesit e AI, si dhe kritikët për të përcaktuar mënyrën më të mirë për të çuar përpara sistemet pa paraqitur dëme të mundshme.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.