.png)
Gazeta Si – Nuk mund të bënte asgjë përballë ‘marsianit’ Karlos Alkaraz tenisti italian, Mateo Berretini. Numri 1 në botë ka kaluar në çerekfinale të Uimbëlldonit pas një ndeshjeje që zgjati 3 orë e 4 minuta dhe përfundoi me rezultatin 3-6, 6-3, 6-3, 6-3. Një fitore me përmbysje e spanjollit.
1⃣0⃣4⃣MPH 😳@carlosalcaraz went full send on this forehand#Wimbledon pic.twitter.com/EombZIXWHP
— Wimbledon (@Wimbledon) July 10, 2023
Berretini fitoi setin e parë dhe më pas luftoi fort, por iu desh të dorëzohej ndaj ‘uraganit’ Karlos Alkaraz. Në fillim italiani e vuri në vështirësi spanjollin, që reagoi fuqishëm. Falë talentit të tij, numri 1 e rriti ndjeshëm kualitetin e lojës. Alkaraz iu përgjigj thuajse çdo goditjeje të Berretinit.
Seti i tretë ishte kopje e të dytit, me Alkaraz që e shtoi presionin te kundërshtari me precizion të lartë. Në setin e katërt pati një reagim të Berretinit. Gejmet e fundit u luajtën me çati të mbyllur, italiani anuloi tre ‘match point’-e, por pa mundur t’i mohonte fitoren spanjollit.
The Gentlemen's Singles quarter-finals are locked in 🔒 #Wimbledon pic.twitter.com/QSwS0fMQv5
— Wimbledon (@Wimbledon) July 10, 2023
Janë përcaktuar tashmë edhe ndeshjet çerekfinale te meshkujt: Alkaraz-Rune, Medvedev-Eubanks, Siner-Safiulin dhe Rublev-Gjokoviç.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
