.png)
Gazeta Si – Trajneri i Korça Volley, Romeo Xega, është përjashtuar përgjithmonë nga çdo aktivitet kombëtar dhe ndërkombëtar nga Federata Shqiptare e Volejbollit. Vendimi ekstrem vjen pasi ai goditi me shuplakë dy lojtaret e tij.
Ngjarja e shëmtuar ndodhi gjatë ndeshjes mes Korça Volley U-18 dhe Dinamos U-18. Në pushim trajneri Xega arriti deri atje sa të ushtronte edhe dhunë fizike ndaj lojtareve të tij.
Trajneri korçar, sipas asaj që shkruhet në vendimin e FSHV-së, ka qenë edhe më parë objekt i Komisionit të Disiplinës. Sjellja e tij aspak e hijshme ka bërë që Komiteti Ekzekutiv i Federatës Shqiptare të Volejbollit t’i heqë licencën dhe ta përjashtojë përgjithmonë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
