.png)
Gazeta Si – Basketbolli i femrave ka vetëm një emër në Shqipëri dhe ai është Flamurtari. Vlonjatet kanë fituar sot titullin e 3-të radhazi kampion, pasi kanë mundur Partizanin në finalen e katërt, duke i mbyllur kështu llogaritë me rezultatin 3-1.
Ky është titulli i 25-të në historinë e Flamurtarit, që këto vitet e fundit nuk njeh rivalë. Në ndeshjen e sotme, të zhvilluar në Pallatin e Sportit ‘Asllan Rusi’, skuadra vlonjate mundi 73-80 Partizanin.
Vajzat vlonjate, të udhëhequra nga kapitenia Tea Memushi, treguan forcën e tyre në fundin e ndeshjes në kryeqytet. Vetëm në periodën e parë ishte më mirë Partizani, 23-18, pastaj gjithçka foli për Flamurtarin, që fitoi periodën e dytë 16-19, të tretën 15-20 dhe të katërtën 19-23.
Sezoni aktual ka qenë i mbushur me trofe për Flamurtarin, që më parë ka fituar edhe Kupën e Shqipërisë, kupën e FSHB-së, Superkupën e Shqipërisë dhe Superkupën Mbarëkombëtare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
