.png)
Gazeta Si – Përplasja e dy makinave në Laprakë është pasuar nga një konflikt fizik midis drejtuesve të tyre. Pas sherrit, sipas njoftimit të policisë, njëri nga shoferët ka mbetur i plagosur.
Aksidenti ndodhi rreth orës 16:00, afër shkollës “Aleks Buda”. Në sherrin më pas u përfshinë drejtuesi i njërit nga mjetet me dy personat që ishin në makinën tjetër, babë e bir.
Njoftimi i policisë
Më datë 18.04.2023, rreth orës 16:10, në Laprakë, në afërsi të shkollës “Aleks Buda”, janë përplasur dy automjete (dëme materiale) dhe si pasojë janë konfliktuar dhe kanë goditur njëri-tjetrin me grushte, drejtuesit e automjeteve, shtetasi A.R., 32 vjeç, me shtetasit Xh.B., dhe A.B. (babë e bir).
Si pasojë e konfliktit, shtetasi A.R., është dëmtuar dhe ndodhet në spital, për ndihmë mjekësore. Grupi hetimor po punon për sqarimin e rrethanave të ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
