.png)
Gazeta Si – Novak Gjokoviç vuajti më shumë nga sa ishte parashikuar, por gjithsesi debutoi me sukses në Masters 1000 të Montekarlos. Tenisti serb hasi vështirësi në setin e parë kundër Gakhov, duke e fituar vetëm me ‘tiebreak’. Ai dominoi në të dytin dhe e mbylli sfidën 7-6, 6-2.
Gjokoviç ka kaluar në fazën e 1/8-ve, ku do të ndeshet me fituesin e derbit italian Museti-Nardi. Serbi e nisi turneun e Montekarlos si kokë serie numër 1.
The perfect return 💯@DjokerNole finds a way past qualifier Ivan Gakhov 7-6(5) 6-2 to reach the round of 16 in Monte-Carlo.@ROLEXMCMASTERS | #RolexMonteCarloMasters pic.twitter.com/O5b3TB00nm
— ATP Tour (@atptour) April 11, 2023
Është kualifikuar po me vuajtje edhe Andrej Rublev, të cilit iu desh edhe seti i tretë ndaj spanjollit Munar. Koka e serisë numër 5 humbi setin e parë 6-4 dhe vuri në rrezik kualifikimin, më pas ishte si një rul dhe përmbysi gjithçka me një dopio 6-2. Në 1/8-at sfidon fituesin e ndeshjes mes Khaçanov dhe Ivashka. Këta të fundit eliminuan Davidoviç Fokinan (6-2, 6-2) dhe Evans (2-6, 6-2, 6-3).
Është kualifikuar pa sforco Stefanos Tsitsipas. Greku dominoi ndaj Bonzit deri në 4-1, më pas kundërshtari u tërhoq për shkak dëmtimi. Hurkacz eliminoi Draper, por iu deshën 3 sete polakut për ta mbyllur 6-3, 6-7 dhe 7-5. Kanë kaluar turin edhe Zverev, Lehecka dhe Dimitrov.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
