.png)
Gazeta Si – Turneu i principatës ka humbur emrat big të tenisit. Alkaraz, Monfils dhe ‘mbreti’ Nadal janë të fundit në listën e atyre që nuk do të marrin pjesë në këtë turne. Mungesa që kanë ngritur dyshime për turneun e vetëm Masters 1000, ku pjesëmarrja nuk është e detyrueshme.
Nga sa mund të kuptohet, tenistët mendojnë që ta ulin pak ritmin dhe të përgatiten më mirë për Parisin, duke hequr dorë nga Montekarlo.
Vitin e kaluar munguan në këtë turne emra, si Nadal, Medvedev, Berretini dhe Thiem. Rafael Nadal nuk merr pjesë edhe këtë vit, për shkak dëmtimi siç ka pohuar vetë spanjolli. Nadal këtë herë është në shoqërinë e Alkaraz, Monfils dhe Auger-Aliasime. Montekarlo humb kështu katër lojtarë të njohur, që në këtë turne priteshin si ‘top player’ për t’i dhënë bukuri Masters 1000 të parë sezonal në dheun e kuq.
Dhe nëse turneu ka sërish motive për të ngjallur interes, siç është rikthimi i Gjokoviçit, me Nadal dhe Alkaraz tabela do të ishte sigurisht një tjetër histori.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
