.png)
Gazeta Si – Danil Medvedev feston edhe në Majemi, pas fitores 2-0 në finale ndaj Janik Siner. Tenisti rus mbetet ‘macja e zezë’ për italianin. Pas fitores në Roterdam, Medvedev bëri të njëjtën gjë edhe në Masters 1000 të Majemit.
Pas një seti të parë mjaft të luftuar, të fituar në fund 7-5 nga rusi, Siner u dorëzua në të dytin, duke shfaqur një rënie të madhe fizike. Italiani e kishte shumë të vështirë ta përballonte kundërshtarin dhe Medvedev e mbylli setin 6-3, duke fituar kështu trofeun e 19-të në karrierë.
No.1️⃣9️⃣ for the legacy 🥇🙌
— ATP Tour (@atptour) April 2, 2023
19 winners serving up a 19th career title at a 19th different tournament!@MiamiOpen | #MiamiOpen pic.twitter.com/osetlab03r
Tenisti rus i ka fituar të gjashta ndeshjet që ka luajtur ndaj Siner. Ky i fundit mund të ngushëllohet me vendin e 9-të në renditjen ATP. Ëndrra e tij edhe një herë u shua në momentin final.
Danil Medvedev vazhdon të shijojë këtë 2023 të mrekullueshëm, teksa ka fituar edhe trofeun e 4-t sezonal. Pas turneut të Majemit në krye të renditjes botërore do të kthehet Novak Gjokoviç, duke rimarrë fronin nga Karlos Alkaraz, i eliminuar nga Siner në gjysmëfinale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
