.png)
Gazeta Si – Duhej të ndodhte në maj, por SHBA-të kanë përshpejtuar kohën. Senati amerikan ka dekretuar fundin e emergjencës kombëtare për Covid-in, pra heqjen e masave anti-pandemi, mes të cilave edhe ndalimin e hyrjes për të huajt e pavaksinuar.
Pritet vetëm miratimi përfundimtar nga presidenti Xho Bajden i rregullores, që do të lejonte Novak Gjokoviçin të hyjë në Shtetet e Bashkuara të Amerikës për të marrë pjesë në Us Open. Tenisti serb nuk luan në SHBA që nga Us Open e 2021-shit, kur humbi në finale mundësinë për të mbyllur Grande Slam-in, ndaj Danil Medvedev.
‘Nole’ nuk e ka mohuar kurrë zgjedhjen e tij për të mos u vaksinuar. “Nuk kam asnjë peng, – ka thënë ish-numri 1 para dy turneve Masters 1000 në çimenton amerikane. – Kam mësuar se pengjet të mbajnë të lidhur me të kaluarën, kurse unë dua të jetoj të tashmen”.
Kampioni i 22 Slam-eve e detyrua të humbiste ‘Sunshine doubles, por ai po përgatitet prej ditësh në dheun e kuq të Beogradit, në prag të turneut të parë Masters 1000 të sezonit në Montekarlo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
