Gazeta Si – Një 48-vjeçar, i cili tentoi të vriste me armë një person brenda një lokali në Vorë pranë Tiranës, është arrestuar këtë të enjte.
Policia thotë se në pranga ka rënë E.P., 48 vjeç, i akuzuar për vrasje me dashje të mbetur në tentativë, shkatërrim prone dhe prishje të qetësisë publike.
48-vjeçari kishte hyrë me forcë në një lokal, ku po qëndronte 39-vjeçari E.P., në një fshat të Vorës dhe kishte qëlluar me çifte në drejtim të tij. Plumbat nuk e kapën në trup 39-vjeçari, i cili shpëtoi pa asnjë plagë.
Policia ndërhyri menjëherë pas sinjalizimit dhe arrestoi 48-vjeçarin, si dhe sekuestroi edhe çiften të cilën e posedonte me leje. Ngjarja dyshohet të ketë ndodhur për motive të dobëta.
Materialet i kaluan Prokurorisë, për veprime të mëtejshme procedurale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
