Gazeta Si – Një 40-vjeçare humbi tragjikisht jetën mbrëmjen e kësaj të mërkure në aksin rrugor Tiranë-Durrës.
Policia thotë se gruaja u përplas për vdekje nga një makinë. Autoritetet shoqëruan në polici shoferin e automjetit, një 28-vjeçar, ndërsa vijojnë hetimet për zbardhjen e rrethanave të plota të ngjarjes së rëndë.
“Më datë 01.03.2023, në aksin rrugor Tiranë-Durrës, dyshohet se shtetasi E. D., 28 vjeç, duke drejtuar automjetin, ka aksidentuar shtetasen E. S., rreth 40 vjeçe, e cila si pasojë ka ndërruar jetë. Drejtuesi i automjetit është shoqëruar në Komisariat, për kryerjen e veprimeve procedurale. Grupi hetimor po punon për zbardhjen e rrethanave të aksidentit”, thuhet në një njoftim paraprak të policisë së Tiranës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
