Gazeta Si – Katër pronarë hotelesh dhe lokalesh janë vënë në pranga në Fier, pasi në bashkëpunim me njëri-tjetrin kishin përshtatur ambientet e bizneseve të tyre për prostitucion.
Të implikuar në këtë veprimtari të paligjshme janë edhe 8 shtetas të tjerë, të cilët u proceduan penalisht.
Në bazë të provave të siguruara gjatë hetimit, Gjykata e Fierit caktoi masën e sigurisë “arrest në burg”, për 4 shtetas që kishin në administrim lokale dhe hotele të vëna në dispozicion për ushtrim të prostitucionit.
Të arrestuarit janë:
-Nesti Golemaj, 69 vjeç dhe Besiko Molishtari, 71 vjeçe, pronarë të një lokali në lagjen “Kastriot”;
-Naxhie Aliaj, 63 vjeçe, pronare e një lokali në lagjen “Kastriot”;
-Tajar Hysenaj 69 vjeç, pronar i një hoteli në lagjen “16 prilli”.
Nga hetimet e kryera në kuadër të operacionit “Bazat”, rezultoi se këta 4 shtetas, në bashkëpunim me njëri-tjetrin, gjatë periudhës maj 2022-shkurt 2023, kishin vënë 2 lokalet dhe hotelin që kishin në pronësi, në dispozicion të ushtrimit të veprimtarisë së kundërligjshme të prostitucionit,” njoftoi policia.
Gjithashtu, për këtë rast u referuan materialet në Prokurori, ku nisi procedimi në gjendje të lirë për 8 shtetas, të dyshuar të implikuar në këtë veprimtari.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
