Gazeta Si – Një 22-vjeçar nga Elbasani është arrestuar, pasi goditi me shishe xhamin e autobusit të ekipit të Pogradecit pas ndeshjes Elbasani-Pogradeci në stadiumin “Elbasan Arena”.
Policia tha se në afërsi të Librazhdit, i riu kishte goditur me send të fortë (shishe qelqi), xhamin e autobusit në të cilin udhëtonte ekipi i futbollit të KF Pogradecit.
Në pranga ka rënë Xh.Zh., 22 vjeç, banues në Elbasan, i cili akuzohet për veprën penale “Shkatërrimi i pronës” dhe “Goditja e sportistit, trajnerit, arbitrit, ndërmjetësit sportiv”.
Nga goditja, nuk është dëmtuar asnjë nga futbollistët që ndodheshin në autobus.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
