Gazeta Si – Një shqiptar 37-vjeçar, Pëllumb Islami, humbi jetën nga një armë zjarri mbrëmjen e të martës në mënyrë aksidentale në Greqi.
Sipas mediave lokale, ngjarja ndodhi rreth orës 23:40 në një kafene në zonën e Nea Ionia në Athinë, ku fillimisht shqiptari u lëndua rëndë dhe u dërgua në spital.
Por pas rreth 3 orësh humbi betejën me jetën. Mësohet se 37-vjeçari ishte me profesion hidraulik në Greqi.
Gazeta “Protothema”, shkruan se gjithçka ka nisur kur në kafene mbërriti një grup prej 7 shqiptarësh të cilët ishin duke debatuar para se të uleshin aty. Të shtatë dolën më pas nga kafeneja dhe papritur një prej tyre ka nxjerrë armën e ka qëlluar.
Për pasojë plumbat kanë prekur shqiptarin tjetër, i cili nuk ka pasur lidhje me bashkatdhetarët e tij që po konfliktoheshin.
Deri tani policia greke nuk ka mundur të arrestojë asnjë prej të dyshuarve. Në vendin e ngjarjes janë gjetur disa gëzhoja armësh dhe një makinë tip “Jeep”, e cila dyshohet se i përket një prej shqiptarëve që po konfliktohej.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
