Gazeta Si - Një 23-vjeçar është arrestuar në Tiranë, pasi aksidentoi për vdekje me automjetin e tij një 75-vjeçare, e cila po kalonte rrugën mbi vijat e bardha.
Drejtuesi u fut me semafor të kuq dhe pas ngjarjes u largua me automjet, për t'u arrestuar disa orë më pas.
Ngjarja ka ndodhur një ditë më parë në bulevardin “Zhan D’ark” në kryeqytet. Fillimisht, e moshuara u dërgua në spital, por fatkeqësisht ndërroi jetë pak orë pas ngjarjes.
Ndërkohë, shoferi iu nënshtrua testit të drogës, ku pas verifikimeve, rezultoi se në momentin e aksidentit ka qenë nën efektin e lëndëve narkotike.
Policia bën me dije se në pranga ra shtetasi me inicialet M.A., 23 vjeç, i cili ka aksidentuar shtetasen D.K., 75 vjeçe, e cila më pas ka ndërruar jetë, në spital.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.