.png)
Gazeta Si - Mindia Lavasogli (Goradze), është arrestuar në Tiranë, i akuzuar si kreu i një grupi kriminal në fushën e krimeve kundër pasurisë dhe armëmbajtjes pa leje.
Ai u ndalua, pasi ishte shpallur në kërkim ndërkombëtar nga autoritetet në Gjeorgji. Goradze fshihej në kryeqytet dhe përdorte pasaportë false me emrin e një ukrainasi.
Mësohet se 42-vjeçari është dënuar me 12 vite burg nga Gjykata e Kutaisit në Gjeorgji për veprat penale “Pengimi i veprimtarisë profesionale të gazetarit, kryer me anë të kanosjes”, “Grupi kriminal” etj.
“Mindia Lavasogli (Goradze) strehohej në Tiranë, dhe akuzohet si kreu i një grupi kriminal të dhunshëm, me aktivitet kryesisht në krimet kundër pasurisë, në Gjeorgji dhe në vende të tjera”, - njofton Policia e Tiranës.
Aktualisht po vijon puna në bashkëpunim me homologët, me qëllim ekstradimin e shtetasit Mindia Lavasogli, për të vuajtur dënimin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
