Dy persona janë vënë në pranga nga policia në Rinas pasi akuzohen për trafik narkotikësh. Sipas policisë, janë arrestuar K. Ç., 33 vjeç, i dënuar më parë në Gjermani për trafikim narkotikësh dhe S.A, 59 vjeç, i dënuar për prodhim dhe shitje e narkotikëve.
Sipas njoftimit, K.Ç do të ekstradohet drejt Italisë, pasi Gjykata e Pavias i ka caktuar masën e sigurisë “Arrest në burg”, për veprën penale “Trafikim droge”, parashikuar nga Kodi Penal italian. Maksimumi i dënimit është 20 vjet burgim.
Ndërkohë 59 vjeçari është i shpallur në kërkim ndërkombëtar pasi Gjykata e Rrethit Gjyqësor Elbasan, në vitin 2014 e ka dënuar me 7 vjet e 5 muaj burgim për veprën penale “Prodhimi dhe shitja e narkotikëve”.
Me datë 15.10.2011, në dalje të qytetit të Elbasanit, 59-vjeçari është kapur teksa shiste në bashkëpunim me 2 persona të tjerë heroinë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.