Gazeta Si - Një defekt në sistemin kompjuterik, ka shkaktuar bllokimin e procesit të punës në të gjitha pikat e kalimit kufitar me Maqedoninë e Veriut.
Për këtë arsye, prej orës 6:00 të mëngjesit të kësaj të shtune, dhjetëra mjete kanë mbetur të bllokuara në doganën e Qafë Thanës për shkak të një defekti në sistemin e përpunimit të të dhënave të palës maqedonase.
Fluksi më i lartë i mjeteve është në dalje nga territori i Shqipërisë. Pala maqedonase po punon manualisht prej mëngjesit, çfarë ka krijuar vonesa dhe radhe në kufi.
E njëjtë është situata edhe në pikën e kalimit kufitar të Tushemishtit dhe Gorricës. Autoritetet e Kufirit ende nuk kanë njoftim nga pala maqedonase se kur pritet të riparohet defekti në sistem.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.