Gazeta Si - Një 40-vjeçar është arrestuar në Tiranë, pasi prezantohej si polic i forcave speciale dhe u kap i armatosur me pistoletë me fishek në fole gati për qitje.
Policia thotë se në pranga ka rënë Klodjan Gjikdhima, i cili u kap nga forcat “Shqiponja” dhe efektivët e Komisariatit Nr.3.
40-vjeçari u prangos në rrugën “Hamid Shijaku” dhe në atë moment ka qenë i armatosur me pistoletë në fole gati për qitje dhe një krehër me municion luftarak.
Policia gjeti dhe sekuestroi në cilësinë e provës materiale municion luftarak, një palë pranga, dy dokumente të falsifikuara për autorizim hyrjeje në institucione, një mbajtëse arme dhe një maskë si ato të policisë.
Klodjan Gjikdhima akuzohet për “Mbajtja pa leje dhe prodhimi i armëve, armëve shpërthyese dhe i municionit”, “Mbajtja pa të drejtë e uniformës”, dhe “Falsifikimi i dokumenteve”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.