.png)
Gazeta Si – Donald Suxho, korçari që ka luajtur për kombëtaren amerikane të volejbollit, dhe Erblira Bici, volejbolliste e Romës dhe Kombëtares, janë nderuar së fundi nga Federata Shqiptare e Volejbollit me titullin honorifik ‘Ambasadorë të Volejbollit shqiptar’.
‘FSHV ka vendosur t’u japë titullin ‘Ambasadorë të Volejbollit shqiptar’ dy figurave të saj, të cilët me punën dhe pasionin e tyre kanë përfaqësuar dhe përfaqësojnë volejbollin shqiptar në nivelet më të larta europiane e ato botërore.
Ky titull honorifik jepet për Erblira Bicin dhe Donald Suxhon, të cilët po krijojnë ura bashkëpunimi midis klubesh dhe shoqatave shqiptare për zhvillimin e projekteve të ndryshme për sportin në përgjithësi e volejbollin në veçanti, midis vendeve ku ata zhvillojnë aktivitetet e tyre. Federata Shqiptare e Volejbollit u uron suksese të mëtejshme në misionin e tyre. Faleminderit kampionë!’ – shkruhet në njoftimin e FSHV-së.
Suxho e ka të lidhur aktivitetin e tij me SHBA-të, ku ka bërë emër, ndërsa Bici është një nga lojtaret më të mira të Kombëtares dhe Romës në Itali. Janë pa dyshim dy nga imazhet më të mira të sportit që përfaqësojnë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
