.png)
Gazeta Si – Flamurtari në basketboll për femra ka fituar trofeun e Kupës së Shqipërisë, pasi ka mundur Partizanin në finale, me rezultatin e ngushtë 74-73. Vetëm një pikë diferencë tregon lojën e fortë që u zhvillua në këtë finale të zhvilluar në pallatin e sporti ‘Dhimitraq Goga’.
Partizani ishte në kryesim deri në periodën e tretë, pastaj erdhi sulmi final i vajzave të trajneres Elona Hasanaj, të cilat e mbyllën me 74 pikë ndeshjen. Nga ana e stafit dhe lojtareve të Partizanit pati pretendime për gjykimin, që sipas tyre nuk ishte korrekt.
Të dyja skuadrat kanë në përbërje shumë basketbolliste të huaja. Për Flamurtarin pikëshënuesja më e mirë ishte Omerbasiç me 24 pikë, kurse për Partizanin Banister me 32 pikë.
Flamurtari vazhdon kështu të koleksionojë trofe në basketbollin shqiptar për femra, ku po dominon prej vitesh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
