Gazeta Si - Gjykata e Faktit në Gjirokastër, ka lënë në burg për 40 ditë si masë sigurie Kleanthi Laçin, mësuesin e fiskulturës të akuzuar për ngacmim seksual ndaj dy nxënëseve të mitura në një shkollë 9-vjeçare në Tepelenë.
Gjykatësja Suela Dashi, është njohur me ngjarjen përmes prokurores Edlira Manelli, e cila nga ana e saj ka kërkuar burg pa afat për mësuesin e edukimit fizik në shkollën 9-vjeçare “Avni Rustemi” në qytetin e Tepelenës.
Nga ana e tij, mësuesi ka mbajtur një qëndrim mohues, duke deklaruar se nuk ka ngacmuar seksualisht nxënëset e tij.
Pas paraqitjes së provave, gjykatësja ka dhënë vendimin me 40 ditë paraburgim ndaj Kleanthi Laçit, i cili këtë dënim do ta vuajë fill pasi të dalë nga spitali rajonal i Gjirokastrës, nga ku dhe kurohet pas dhunës së pësuar të dielën.
Kjo për shkak të hakmarrjes nga vëllai i njërës prej minoreneve të pretenduara se është ngacmuar seksualisht prej mësuesit.
Albi Gumeni, 29 vjeç i arrestuar për plagosjen e mësuesit është liruar nga qelia të enjten dhe çështja e tij do të ndiqet në gjendje të lirë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.