.png)
Gazeta Si - Albi Gumeni, 29 vjeç i arrestuar për plagosjen e mësuesit të edukimit fizik dy ditë më parë, është liruar nga qelia këtë të enjte.
29-vjeçari është i vëllai i njërës prej nxënësve 13 vjeçare të pretenduata se janë ngacmuar seksualisht nga mësuesi Kleanthi Laçi në shkollën 9-vjeçare në qytetin e Tepelenës.
Prokuroria ka kërkuar lirimin e tij, pasi vepra e kryer nuk përmbushte kriteret për arrestim dhe çështja e tij do të ndiqet në gjendje të lirë.
Gjithashtu nuk ka ndonjë denoncim në adresë të tij dhe dy personave të tjerë që goditën mësuesin e dyshuar për ngacmim seksual të dy të miturave.
Mësohet se lirimi i 29-vjeçarit nga dhomat e izolimit, është bërë përmes një urdhri të posaçëm prej prokurores Edlira Manelli, e cila e ka vlerësuar si të paligjshëm arrestimin e tij, pasi nuk kishte shkaktuar dëme ndaj mësuesit Kleanthi Laçi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
