Gazeta Si – Ashtu siç ishte parashikuar, reshjet e dendura të shiut kanë shkaktuar përmbytje në Bashkinë Shkodër.
Sipas raportit të mesditës së kësaj të mërkure, ka dalje të lumit Buna në Muriqan dhe Oblikë dhe sipërfaqja e përmbytur është 275 hektarë.
Niveli i lumit Drin (hidrometri Ura e Bahçallëkut) shënon kuotën 6.20 metra me një rritje prej 15 centimetra me orën 08:00 të datës 18.01.2023 (kuota maksimale 7.50 metra).
Niveli i Liqenit (hidrometri ura e Bunës) shënon 7.55 metra me një rritje prej 15 centimetrash me orën 08:00 të datës 18.01.2023 (kuota maksimale 8.70 metra)
Më herët, Shtabi i Emergjencave në raportin zyrtar për motin thekson se reshjet e shiut nuk kanë krijuar problematika serioze në vend.
Niveli i ujit në rezervuare është në kuota normale. Gjatë natës rreth orës 01.30 ka pasur një bllokim të segmentit rrugor në vendin e quajtur Gryka e Këlcyrës, ndërsa me ndërhyrjen e shërbimit zjarrfikës gjendja u normalizua.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
