Gazeta Si - Tre persona kanë rënë në pranga në Durrës të akuzuar për falsifikim të dokumenteve dhe shpërdorim detyre. Policia thotë se këta persona morën nëpërmjet falsifikimeve një tokë prej 5000 m² në Durrës dhe e përvetësuan.
Të arrestuarit janë A.I., 60 vjeç ish-juristi i Hipotekës Durrës, Z.D., 72 vjeç dhe F.I., 68 vjeç.
Ndaj tyre gjykata ka vendosur arrest në burg për veprat penale shpërdorim detyre dhe falsifikim i dokumenteve i kryer në bashkëpunim.
Këta persona kanë përdorur dokumente të falsifikuara dhe i kanë marrë rreth 5000 m² tokë një qytetari, të cilën e kanë përvetësuar dhe regjistruar në hipotekë si të tyren.
Specialistët për Hetimin e Krimeve Ekonomike dhe Financiare të Drejtorisë Vendore të Policisë Durrës, në bashkëpunim me Prokurorinë, po vijojnë hetimet për dokumentimin e rasteve të tjera të kryera nga këta shtetas, si dhe për identifikimin dhe arrestimin e personave të tjerë të implikuar në këtë veprimtari kriminale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.