Gazeta Si - Operacioni për shpëtimin e 43-vjeçarit të bllokuar mes maleve të Gramshit nga ekipet RENEA ka përfunduar pas gjashtë orësh.
Andrea Dervishi është nxjerrë i gjallë nga shkëmbinjtë e thepisur, ku kishte ngecur. Një ditë më parë 43-vjeçari ka zbritur me litar rreth 80 metra lartësi duke menduar që do të dilte poshtë në kanion. Por litari nuk ka mjaftuar dhe ka mbetur mes dy shkëmbinjve.
Ai gjatë gjithë natës ka qëndruar zgjuar, duke u përpjekur të bënte ushtrime fizike për të ngrohur trupin, pasi ka qenë me krahë të shkurtra.
Sipas informacioneve, policia ka marrë njoftimin rreth orës 18:35 dhe më pas drejt zonës janë nisur shërbimet e Komisariatit të Policisë Gramsh dhe shërbimi zjarrfikës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.