.png)
Gazeta Si – Tenistja 25-vjeçare japoneze njoftoi pak ditë më parë tërheqjen nga Australian Open. Tani tregon e lumtur arsyen: është shtatzënë. Babai i fëmijës është reperi Cordae.
Takimi me Australian Open është shtyrë për 2024-ën! Naomi Osaka do të marrë një vit pushim dhe këtë herë arsyeja është një nga më të lumturat. Japonezja ka bërë me dije nëpërmjet rrjeteve sociale se është shtatzënë për herë të parë. Një lajm që ka surprizuar botën e tenisit.
“Vitet e fundit kanë qenë të vështirë, – shkruan Osaka në postimin e saj të fundit. – Këto muaj larg sportit më kanë bërë të dashurohem sërish me lojën, së cilës i kam dedikuar jetën. Di që jeta është e shkurtër dhe çdo ditë është një bekim i ri, një aventurë e re. E ardhmja më rezervon shumë gjëra dhe mezi pres që im bir të shohë një nga ndeshjet e mia dhe të thotë: ‘ajo është nëna ime!”
Në fund Naomi ka siguruar fansat e saj për rikthimin në fushë: “Viti 2023 do të jetë i mbushur me leksione për mua dhe shpresoj t’ju shoh në Australian Open e ardhshëm. Ju dua të gjithëve pafundësisht”. Edhe Ashlei Barti së fundi ka njoftuar se pret një fëmijë me partnerin e saj Gerri Kisik.
Osaka pret fëmijën e parë dhe babai është reperi amerikan, Cordae. Njihen që prej vitit 2019 dhe lidhja e tyre u bë publike teksa ndiqnin një ndeshje basketbolli së bashku në Los Anxheles. Në atë kohë Cordae nuk e dinte që Naomi ishte superstar i tenisit dhe para se të futej në botën e raketës falë të fejuarës, dinte vetëm emrat e Venus dhe Serena Uilliams.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
