.png)
Gazeta Si – Novak Gjokoviç e filloi vitin 2023 në mënyrën më të mirë, duke fituar me përmbysje turneun e Adelaide, që për të është i 92-ti në karrierë, si Rafael Nadal. Por lajmi i finales nuk është fitorja ndaj Sebastian Kordas 6-7, 7-6 dhe 6-4, pas 3 orë e 9 minutash lojë.
Lajm është zënka e serbit me menaxherin e tij pas setit të parë të humbur. Gjokoviç shpërtheu në italisht kundër vëllait Marko dhe e menaxherit Edoardo Artaldi: “Jashtë, dil jashtë! Po, ti, dil jashtë!” – ulëriti ai ndaj të dyshes që pas pak sekondash u detyrua të braktiste shkallët.
Novak #Djokovic yelling to his box in Italian to get out after the first set loss against Korda. Looks like his agents and brother Marko left promptly.
— Luka Nikolić (@luksie1) January 8, 2023
📺: @sportklub pic.twitter.com/py6d21p1Ir
Diskutimet vazhduan në distancë me trajnerin Goran Ivaniseviç dhe me vëllanë Marko, i cili u kthye në setin e dytë. Në fund Gjokoviç përmbysi gjithçka, duke anuluar edhe një ‘match-point’. Pas pikës së fundit 35-vjeçari festoi duke bërë gjestin e forcës mentale që ushqehet edhe nga zemërimi, nervat dhe dëshira për të mos u dorëzuar kurrë.
Me suksesin në Adelaide, Gjokoviç barazoi Rafael Nadalin në vendin e 4-t për turnetë e fituar, në një klasifikim që udhëhiqet nga Konors (109), përpara Federer (103) dhe Lendl (94).
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
