.png)
Gazeta Si – Martina Navratilova, ish-kampionia e madhe e tenisit me 18 turne Slam të fituar, është diagnostikuar me kancer në gjoks dhe në fyt. Ish-sportistja 66-vjeçare çeke, e natyralizuar amerikane, është rrëfyer për ‘The Times’.
Dy format e tumorit i janë diagnostikuar në nëntor të 2022-shit, pas disa shenjave që i ishin shfaqur në qafë. “Është një goditje e dyfishtë e rëndë, por ende e zgjidhshme, – ka thënë Navratilova. – Shpresoj në një fund pozitiv. Është e dhimbshme, por do të luftoj më të gjitha forcat”.
Navratilova 13 vjet më parë kishte kaluar një situatë të tillë, duke mundur një tumor në gjoks pas një cikli radioterapie.
Një zëdhënës i ish-tenistes ka bërë me dije se “të dy tumoret janë në fazë fillestare, në stadin e parë. Martina do të fillojë trajtimin mjekësor këtë muaj. Tipi i tumorit është ‘HPV’, një formë tumori që u përgjigjet mirë trajtimeve”.
Martina Navratilova, e cila ka fituar 9 herë Uimbëlldonin, nuk mund të jetë e pranishme në ‘Australian Open’ në Melburn, ku duhej të punonte si opinioniste televizive.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
