Gazeta Si - Në tregun industrial të Durrësit ka rënë një zjarr gjatë orëve të para të mëngjesit të sotëm. Rreth orës 03:40 të ditës së parë të vitit janë vënë re flakët që kanë përfshirë tregun që ndodhet në lagjen numër 17 të Durrësit.
Nga raportimet e para mësohet se janë djegur pesë dyqane dhe ka dëme të konsiderueshme materiale. Zjarri është shuar nga ndërhyrja e zjarrfikësve, të cilët nuk kanë lejuar që flakët të përhapen më tej.
Për momentin nuk është bërë i ditur shkaku i zjarrit të rënë gjatë natës. Dyshimet e para kanë të bëjnë me lëndët piroteknike, që mund të jenë hedhur gjatë festës së ndërrimit të viteve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.