.png)
Gazeta Si - Një makinë është djegur në Vlorë gjatë natës në lagjen “24 Maji”. Policia thotë se mjeti është në pronësi të Daniel Qendrajt.
“Më datë 27.12.2022, rreth orës 01:30, në lagjen “24 Maji”, Vlorë, ka rënë zjarr dhe është djegur një mjet i markës “Porche'", njoftoi policia.
Grupi hetimor po punon për zbardhjen e rrethanave të ngjarjes dhe shkakut të rënies së zjarrit.
Është mësuar se pronari i makinës ka një servis që rregullon fenera automjetesh. Ai nuk rezulton me precedentë të mëparshëm penalë, megjithatë dyshohet që zjarrvënia të jetë e qëllimshme.
Sipas banorëve, makinës tip “Porche” i është vendosur zjarri vetëm 30 minuta, pasi pronari ka mbyllur punën dhe ka shkuar në shtëpi.
Zjarri mendohet se është vënë me lëndë djegëse. Polica po punon për zbardhjen e ngjarjes dhe sigurimin e kamerave të sigurisë në atë zonë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
