Gazeta Si – Një sherr për një borxh të pakthyer prej 500 eurosh, ka qenë shkaku i një konflikti me thika mes dy kushërinjve në Kamëz.
Ngjarja ka ndodhur të dielën në mbrëmje gjatë një dasme, ku zanafilla ishte për një borxh të pakthyer që i plagosuri i ka pasur autorit të ngjarjes, Fatjon Luca.
Ky i fundit, ka pranuar para grupit hetimor se 500 eurot që ia kishte dhënë Hafuz Trocit, nuk i kishte marrë pas.
Sipas tij, ia kishte kërkuar disa herë, por i plagosuri nuk ia ka dhënë paratë. Konflikti i të dielës nisur pasi autori dhe personat e tjerë kanë qenë në një dasmë.
Në përfundim të ceremonisë Luca është afruar dhe në mënyrë direkte e ka qëlluar në gjoks Hafuz Trocin.
Pas incidentit, janë përfshirë edhe persona të tjerë familjarë të Trocit dhe Lucës, të cilët kanë nisur të qëllojnë njëri-tjetrin me grushte, çfarë ka sjellë dëmtimin e tyre.
Pas mbledhjes së provave në vendin e ngjarjes, policia ka arrestuar autorin Fatjon Luca, ndërsa po hetohen në gjendje të lirë të gjithë personat e tjerë të përfshirë.
Sips policisë, gjatë konfliktit kanë marrë dëmtime të lehta dhe familjarët e dy palëve të konfliktit, shtetasit M. L., B. C., dhe një 15-vjeçar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
