.png)
Gazeta Si - Ka ndërruar jetë në repartin e djegieve në QSUT, Tiranë, djali i familjes Konica në Maliq, i cili së bashku më të atin dhe kunatin e këtij të fundit mbetën të plagosur të shtunën nga shpërthimi i bombolës së gazit në banesë.
Taulant Konica, 34 vjeç, prej mbrëmjes së 17 dhjetorit trajtohej në spital, por mësohet se ka pasur 75% të trupit të djegur dhe s'ka mundur tu mbijetojë dot plagëve të marra, duke ndërruar jetë në orën 14:30 të kësaj të hëne.
Ndërkohë burime nga spitali bëjnë me dije se babai i viktimës R.Konica është në gjendje të stabilizuar, ndërsa kunati i këtij të fundit A.K., në gjendje shumë të rënduar me edema post-djegie.
Ngjarja ka ndodhur me 17 dhjetor, rreth orës 16:15, në fshatin Vashtëmi, në banesën e shtetasit R. K., 59 vjeç.
Dyshohet se ka patur rrjedhje gazi dhe nga ndezja e një cigareje ka shpërthyer bombola.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
