.png)
Gazeta Si - Dy persona kanë mbetur të plagosur me armë zjarri në Tapizë të Fushë-Krujë pak para mesnatës së të dielës.
Sipas burimeve policore, mësohet se në tavolinën e lokalit ku ndodhi ngjarjaishin 6 shokë, të cilët ishin mbledhur për të festuar ditëlindjen e njërit prej tyre dhe për ironi të fatit, ditëlindjen e kishte pikërisht personi që mbeti i plagosur.
Ai është Lorenc Cani 25 vjeç, i cili u qëllua me armë nga shoku i tij Xhentil Sefa 25 vjeç, pas një debati që nisi mes tyre për shkaqe banale. Dyshohet se ata kanë qenë edhe nën efektin e alkoolit.
Lorenc Cani u qëllua me armë në shpatull, ndërsa autori Xhentil Sefa u vetëplagos me armë në dorë. Të dy u dërguan në spital dhe ndodhen jashtë rrezikut për jetën.
Autori, i cili është vetëplagosur, është arrestuar nga policia për akuzat e vrasjes së mbetur në tentativë dhe armëmbajtje pa leje.
Dy prej shokëve kallëzuan ngjarjen në polici dhe pasi iu mor dëshmia u lanë të lirë. Ndërsa dy të tjerë, janë arrestuar: pronari i lokalit H.M., dhe F.K.
Sipas policisë, pronari i lokalit, H.M., ka fshehur armën e krimit, ka hequr gëzhojat nga vendngjarja dhe ka prishur vendin e ngjarjes.
Ai akuzohet për veprime që pengojnë zbulimin e së vërtetës. Ndërsa F.K., 28 vjeç akuzohet për moskallëzim krimi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
