Gazeta Si – Tre persona janë vënë në pranga në Korçë, pasi u kapën duke transportuar emigrantë të paligjshëm.
Në një furgon tip Benz që u ndalua në rrugën Korçë-Pogradec u gjetën të fshehur 13 emigrantë ilegalë. Atyre u ishte premtuar kalimi drejt vendeve të BE-së kundrejt pagesës.
Në flagrancë u arrestua shoferi i furgonit, A.B. 44 vjeç. Në pranga ranë edhe dy bashkëpunëtorë të tjerë të tij, të cilët udhëtonin me një makinë tjetër dhe kontrollonin rrugën përpara nëse kishte prezencë policore. Edhe këta të dyshuar, R.H. 22 vjeç dhe O.B. 28 vjeç, u arrestuan.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
