Deputeti i Partisë Demokratike, Edmond Spaho e ka cilësuar Shefin e politikës së jashtme të BE-së, Josep Borrell, një antishqiptar kur iu referua takimit të dështuar mes Presidentit të Serbisë dhe kryeministrit të Kosovës në Bruksel.
“Propozimi që Kosova të pezullojë vendimin për zëvendësimin e targave kurse Serbia të pezullojë vendimin për furnizimin me targa të jashtëligjshme është kaq qesharak sa vetëm një antishqiptar si Borrel mund ta bëjë.
I lumtë Albin Kurtit që e ka refuzuar pasi ky propozim nuk synon zgjidhjen e çështjes por mbajtjen e konfliktit hapur dhe fajësimin e Kosovës.
Si mendoni ju të mençurit e opozitës në Kosove dhe djem te bindur të ndërkombëtarëve që favorizojnë Serbinë, do ta miratonit këtë propozim, apo do ta hidhnit në koshin e plehrave nëse do ishit në qeverisje?”, shkruan Spaho në Facebook.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
