Gazeta Si – Një 46-vjeçare, e cila nuk respektoi rregullat e qarkullimit dhe më pas dhunoi një të moshuar është shoqëruar në polici.
Gruaja e identifikuar me inicialet B.R., e cila po drejtonte një makinë tip ‘Benz’ për pak ka qenë duke shtypur një kalimtar në vijat e bardha në momentin që ky po kalonte.
Nuk ka mjaftuar kjo por drejtuesja e mjetit ka zbritur nga makina dhe siç duket në videon e publikuar në rrjetet sociale e shtyn kalimtarin dhe i vë duart në fyt.
Në video duket momenti kur kalimtari tenton të sqarohet duke i thënë se ka qenë duke i shtypur këmbën dhe se ai ndodhet në vijat e bardha dhe ajo është gabim. Ajo ka vazhduar më tej duke e shtyrë.
Në vijim të veprimeve u bë bllokimi i automjetit tip “Benz”, ndërsa për drejtuesen e automjetit u vendos masa administrative, në bazë të Kodit Rrugor, për mosdhënie përparësie këmbësorëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
