.png)
Gazeta Si – Befasi në ‘Nitto Atp Finals 2022’. Rafael Nadal është eliminuar nga turneu shumë shpejt. Ai pësoi humbjen e dytë nga Feliks Auger-Aliasime, me rezultatin 6-3, 6-4. Eliminimin e spanjollit e ‘dekretoi’ Kasper Rud, që në mbrëmje mundi Tejlor Fritz 6-3, 4-6 dhe 7-6. Norvegjezi ka kaluar matematikisht në gjysmëfinale.
Rafael Nadal i ka humbur kështu të dyja ndeshjet e luajtura në Torino. Kanadezi Auger-Aliasime shfrytëzoi mjaft mirë dy topat e parë ‘break’ në dispozion dhe në fund regjistroi fitoren e parë në Grupin Jeshil.
Nadal shpërdoroi shumë në këtë ndeshje, ku humbi edhe shërbimin në rastin e parë të vlefshëm, duke i hapur rrugën suksesit të Auger-Aliasime. Për herë të parë në një ndeshje zyrtare kanadezi ka mundur ish-numrin 1 në botë. Momenti kyç i ndeshjes ishte ai i gejmit të 6-të në setin e dytë, kur spanjolli kishte shansin të barazonte 3-3, por gaboi ‘break point’-in dhe kundërshtari shkoi 4-2. Seti u mbyll 6-4 në favor të 22-vjeçarit.
Në sfidën e parë mes Kasper Rud dhe Tejlor Fritz ishte norvegjezi ai që bëri më mirë. Amerikani u dorëzua në fund të një ndeshjeje të fortë, ndërsa Rud ka siguruar para kohe kalimin në gjysmëfinale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
