.png)
Gazeta Si – Ish-numri 1 i botës nuk u lejua të merrte pjesë në turneun australian, sepse ishte i pavaksinuar ndaj Covid-it. Gjokoviçit iu ndalua të hynte 3 vjet në territorin australian, por tani situata ndryshon. Ministri Giles ka pohuar se ‘Nole’ mund të synojë titullin e 10-të në ‘Melbourne Park’.
Fundi i 2022-shit po sjell lajme të mira për Novak Gjokoviç. Serbi u përjashtua nga Australia, pasi u përpoq të hynte në këtë vend me një rekomandim mjekësor. Tani masa ndaj tij është hequr. Sipas ‘Channel9 News’, ministri i Emigracionit, Andrew Giles, ka vendosur që tenisti të lejohet të marrë pjesë në ‘Australian Open 2023’.
Gjokoviç tentoi të hynte në Australi, ku normat anti-Covid ishin shumë të ashpra, edhe pse ishte i pavaksinuar. Ai kishte një rekomandim mjekësor që e kishte kaluar Covid-in, por u ndalua nga zyra e Emigracionit dhe u dërgua në një hotel refugjatësh. Pas 10 ditësh betejë ligjore, serbi u përjashtua nga territori australian, ku nuk mund të hynte për 3 vjet.
Së fundi, pasi fitoi në ‘Nitto Atp Finals’ ndaj Stefanos Tsitsipas, ish-numri 1 u shpreh se situata po diskutohej mes përfaqësuesve të tij ligjorë dhe zyrës së Emigracionit në Australi. Pak orë më pas erdhi lajmi se kampioni i 21 Slam-eve mund të luajë në Melburn, ku deri tani ka fituar 9 herë. Nëse fiton sërish, barazon Nadal në kuotën 22 Slam.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
