Gazeta Si – Gjykata e Elbasanit ka lënë në burg Luis Gaxhën dhe Rigers Spahiun, kun ë banesën e të parit u kapën një arsenal armësh që do përdoreshin për llogari të grupeve kriminale.
Asnjë prej të arrestuarve nuk ka pranuar të flasë dhe japë shpjegime para gjykatës së Elbasanit.
Policia e Elbasanit mori informacion se Gaxha dhe Spahiu po përgatiteshin për të ekzekutuar një biznesmen të njohur në Elbasan.
Rigers Spahiu, është vëllai i Arjan Spahiut, i ekzekutuar në Bruksel. Ata janë vëllezërit e kunatit të Erion Alibejt, i arrestuar nga prokuroria e Elbasanit si person i dyshuar për urdhërimin e organizimit të dy vrasjeve pas dëshmisë së Nuredin Dumanit.
Ata akuzohen për “Mbajtje pa lejë të armëve të zjarrit”, “Moskallëzim të krimit” dhe “Veprimeve që pengojnë zbulimin e të vërtetës”.
Arsenali i armëve të sekuestruara në banesën e Luis Gaxhit, ishin fshehur në çatinë e shtëpisë së tij.
Luis Gaxhi, rezulton të jetë i dënuar për vjedhje në Belgjikë ndërsa në Elbasan punonte si elektroaut.
Në banesën e Luis Gaxhit, u gjetën:
4 armë zjarri kallashnikovë, dy prej të cilave të modifikuara dhe me silenciatorë;
3 pistoleta me silenciatorë;
2 mina me telekomandë, të gatshme për t’u aktivizuar për shpërthim me komandim në distancë, nëpërmjet aparateve celulare;
Kapsolla detonatore;
Një sasi lënde plasëse, e dyshuar “C4”;
4 aparate celulare;
Sasi e konsiderueshme municioni luftarak, blindshpues.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
