.png)
Gazeta Si - Seanca gjyqësore në ngarkim të ish-ministrit të Saimir Tahiri është shtyrë këtë të hënë për shkak se avokatit të tij mbrojtës Maks Haxhia, i ka vdekur i ati.
Ish-ministri i kërkon gjykatës që të njohë kohën kur ka qenë në shërbim prove dhe nëse pranohet, Tahirit do t’i ulet 1 vit e 6 muaj burg.
Tahiri po vuan dënimin e formës së prerë në burgun e Kosovës të Lushnjës, pasi është dënuar për shpërdorim detyre me 3.4 vjet burg.
Gjykata e Shkallës së Parë Elbasan u mblodh në orën 13:30 për të shqyrtuar kërkesën, por e shtyu seancën për shkak të një fatkeqësie në familjen e avokatit të Tahirit, Maks Haxhisë.
Ish-ministri pretendon se ai e ka zbatuar atë dënim duke mbajtur çdo ditë kontakte me shërbimin e provës, deri në dhënien e vendimit nga Apeli më 4 shkurt të këtij viti.
Kjo gjykatë rrëzoi dënimin me shërbim prove, duke e dërguar në burg ish-ministrin.
“Në rastin në shqyrtim nuk rezulton që të ketë asnjë indicie që kërkuesi të mund të bëhet objekt i personazheve të krimit që ndodhen duke kryer dënimin në IEVP Fier dhe nuk ka po ashtu asnjë indicie që vuajtja e menjëhershme e dënimit me burgim e të dënuarit Saimir Tahiri, mund të pasjellë pasoja të rënda për vetë të dënuarin, si dhe për familjen e tij”, lexohej në arsyetimin e vendimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
