Gazeta Si – Një 38-vjeçar i shpallur në kërkim ndërkombëtar është arrestuar në Lezhë. Në bashkëpunim me Interpol Tiranën, Policia e Lezhës finalizoi operacionin “Torino” për kapjen e shtetasit Elton Dodaj.
Ndaj tij është vendosur arrest në burg në mungesë nga Gjykata e Torinos në Itali për trafik të lëndëve narkotike në formën e bashkëpunimit organizatë kriminale.
38-vjeçari akuzohet se ka qenë pjesë e një organizate kriminale që vepronte në fushën e trafikimit të lëndëve narkotike.
Interpol Tirana, në bashkëpunim me Interpol Roma dhe agjencitë ligjzbatuese, vijon procedurat për ekstradimin e 38-vjeçarit drejt Italisë.
Materialet procedurale iu referuan Prokurorisë pranë Gjykatës së Rrethit Gjyqësor Lezhë, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
