Gazeta Si – Një 44-vjeçar me iniciale E.V., është vënë në pranga, pasi ka ardhur nga Italia në Shqipëri me armë zjarri, municion luftarak dhe armë të ftohtë me vete.
Ai është kapur nga shërbimet e policisë në tentativë për t’i trafikuar armët në Portin e Durrësit.
Gjatë kontrollit të ushtruar në çantën e 44-vjeçarit, u gjet një armë zjarri pistoletë, një mjet prerës (thikë) dhe një sasi municioni luftarak, të cilat, i arrestuari dyshohet se do t’i trafikonte drejt vendit tonë.
Arrestimi i 44-vjeçarit u bë i mundur si rezultat i operacionit policor të koduar “Parandalimi. Policia bën të ditur se 44-vjeçari është banues në Lezhë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
