Nga Gazeta Si – Një automjet me të cilin transportoheshin 10 emigrantë të paligjshëm është braktisur pranë Urës së Drinit të Zi në Kukës.
Policia i bëri shenjë mjetit të ndalonte, por drejtuesi nuk iu bind urdhrit dhe u largua me shpejtësi në drejtim të fshatit Breg Lum. Më pas braktisi mjetin.
Në automjetin tip Volkswagen u gjetën 10 emigrantë të paligjshëm. Shoferi me iniciale D. M. 40 vjeç, i cili është shpallur në kërkim, do t’i ndihmonte refugjatët të kalonin kufirin drejt Kosovës kundrejt përfitimit monetar.
40-vjeçari i shpallur në kërkim akuzohet për “Ndihma për kalim të paligjshëm të kufijve” dhe “Mosbindja ndaj urdhrit të punonjësit të policisë së rendit publik”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
