Goditet një tjetër rast i veprimtarisë kriminale në dhënies ndihmë shtetasve të huaj, për kalim të paligjshëm të kufirit, kundrejt fitimit, ndërsa në pranga ka rënë një 35-vjeçar.
Policia thotë se është vënë në pranga shtetasi Xh. J., 35 vjeç, banues në Gramsh.
Sipas policisë, arrestimi i tij u bë pasi u kap në flagrancë në aksin rrugor Çukë-Sarandë, duke transportuar me një mjet tip fugon, 17 emigrantë të paligjshëm, kundrejt fitimit.
Materialet i kaluan Prokurorisë pranë Gjykatës së Shkallës së Parë Sarandë, për veprën penale “Ndihma për kalim të paligjshëm të kufijve”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
