Gazeta Si - Aksidenti tragjik që i mori jetën një 25-vjeçareje këtë të mërkurë në Tiranë, është shkaktuar nga një shofer që ishte i droguar.
Policia arrestoi 40-vjeçarin Saimir Thaçi, banues në Tiranë, sepse në rrugën “Shaban Bardhoshi”, duke drejtuar nën efektin e lëndëve narkotike, mjetin tip “Audi”, ka përplasur për vdekje 25-vjeçaren Marjana Sahitajn. E reja është dërguar menjëherë në spitalin e Traumës, por ka ndërruar jetë për shkak të plagëve të marra.
Thaçi është vënë në pranga, pasi jo vetëm drejtonte makinën me shpejtësi kur rruga nuk ishte e shtruar me asfalt, por ka qenë nën efektin e lëndëve narkotike.
Drejtuesi i mjetit ka qenë me shpejtësi në momentin kur ka hyrë në oborr. Viktima nuk kishte shumë që ishte martuar, jo më shumë se një muaj.
Mjeti i doli nga kontrolli dhe përplasi portën e një shtëpie private duke përfunduar në oborr dhe përplasi për vdekje 25-vjeçaren.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.