Gazeta Si - Që në orët e para të mëngjesit këtë të mërkurë është shënuar një bilanc tragjik i viktimave si pasojë e aksidenteve rrugore.
Në total janë regjistruar 5 aksidente me 3 viktima, mes tyre dhe një vajzë 25-vjeçare në Tiranë.
Aksidentet tragjike janë regjistruar dy në Tiranë, një në Fier, që u kanë marrë jetën 3 personave. Ndërsa dy aksidente me të lënduar u shënuan në Berat dhe në Vlorë.
Në zonën e Kombinatit, një shofer humbi kontrollin e mjetit dhe hyri në oborr, duke përplasur për vdekje një 25-vjeçare në shtëpinë e saj.
Viktima është identifikuar si Marjana Seitaj, e cila po qëndronte së bashku me familjarët e tjerë në oborr në momentin kur ndodhi aksidenti.
Në Mjull Bathore një makinë me të cilën transportoheshin viça, është përplasur me trafikndarësen dhe si pasojë drejtuesi i mjetit ka ndërruar jetë. Identiteti i Viktimë ka mbetur 32-vjeçaei H.D., teksa paraprakisht dyshohet se atij i ka rënë infrakt.
Në Fier, makina ka përplasur për vdekje këmbësorin 75-vjeçar Hysen Rucaj 75 vjeç i cili humbi jetën në vend.
Në Vlorë makina ka përplasur motorin, ku drejtuesi është dërguar me urgjencë në spital, teksa edhe në Berat, makina përplasi një 15-vjeçar që po udhëtonte me motor gjithashtu.
Paraprakisht dyshohet se shkak për këtë aksident është bërë vetë adoleshenti që mendohet se i ka prerë rrugën automjetit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.