Gazeta Si – Një 17-vjeçare u gjet e fshehur në bagazhin e një makine, duke tentuar të futej ilegalisht në Shqipëri përmes pikës kufitare të Qafë Prushit në Kukës.
Policia thotë se automjeti drejtohej nga një 23-vjeçar me iniciale D.Ll. rezident në Londër, i cili u arrestua në flagrancë.
Ndërsa pasagjer në këtë mjet ishte një i mitur 17 vjeç banues në Kosovë, i cili u procedua penalisht në gjendje të lirë.
Të dy akuzohen për dhënie ndihme për kalim të paligjshëm të kufirit, ndërsa vajza 17-vjeçare e fshehur në bagazhin e makinës akuzohet për kalim të paligjshëm të kufirit shtetëror. Edhe ajo u procedua në gjendje të lirë.
E mitura u gjet e fshehur në bagazh gjatë kontrollit në vijën e dytë autoritetet doganore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
